Loading...
නියපොතු ටික ලස්සනට තියාගන්න මේ දේවල් කරන්න.
විලාසිතා ගැන සිතන ඔබ නිය පෙළේ සුන්දරත්වය ගැනත් වැඩි උනන්දුවක් දක්වනවා. ඒත් ඔබේ සිරුරේ නිරෝගී බවත් පිරිපුන් නිය පෙළකින් දිස්වන බව ඔබ දන්නවාද? සම පිළිබඳ වෛද්‍යවරුන්ද ඔබේ නිරෝගී බව හඳුනා ගන්නේ පළමුව නිය පරීක්ෂා කිරීමෙනි. මේ නිසා අප ශරීරයේ වැදගත් අංගයක් වන නිය පෙළේ නිරෝගී බව ගැන සිතන ඔබ මේ ගැනත් දැනුම්වත් විය යුතුමයි.
නිය පෙළේ පිරිපුන් නිරෝගී බව හා වර්ධනයට උපකාරී වන පෝෂණය අඩංගු ආහාර පිළිබඳ ඔබ දැනුම්වත්ද?
බිත්තර
බිත්තර කියන්නේ ප්‍රෝටීන් බහුලවම අඩංගු ආහාරයක්. ඔබේ නිය පෙළේ ශකිත්මත් බවට මෙන්ම වර්ධනයටද මෙය අත්‍යවශ්‍යම සාධකයක්. නියපොතු වර්ධනයට ප්‍රෝටීන් සංඝටකය අත්‍යවශ්‍ය බව සම පිළිබඳ විශේෂඥ වෛද්‍ය මතයයි. විටමින් ඊ බිත්තරවල අඩංගුව තිබීම මෙහි විශේෂත්වයයි. එය නිය වර්ධනයට උපකාරී වේ.
සැමන්
ප්‍රෝටීන් හා සින්ක් අඩංගු රෝස පැහැති මෙම මසුන් වර්ගයට බොහෝ දෙනා කැමැත්තක් දක්වනවා. ඒ විතරක්ම නෙවෙයි ප්‍රෝටීන් අපේ සිරුරට
අවශෝෂණය කර ගන්නටත් මෙය උපකාරී වෙනවා. මෙලෙස අප සත්ව පටක වලින් ලබා ගන්නා ප්‍රෝටීන් නිය වර්ධනයට මෙන්ම නිරෝගී බවටද හේතුවෙයි.
පොල්තෙල්
අප ගන්නා ආහාරවල ඇති පොල්තෙල් වැනි හිතකර මේද වර්ග සිරුරට අවශ්‍ය පෝෂණ කොටස් අවශෝෂණය කර ගැනීමට පහසු කරවයි. මේ අතරින් විටමින් ඒ.ච්.ඡ් යන සංඝටක නිය ශක්තිමත් කරවයි. විටමින් ඕ හා ප්‍රෝටීන් බහුලව අඩංගු කුකුළු මස්ද ඔබේ ආහාරයට එක්කර ගැනීම වඩාත් සුදුසුයි.
නිවිති
ඔබේ ශරීර සෞඛ්‍ය ඉතාම ගුණදායක බව බොහෝ දෙනා දන්නා කරුණක්. ශරීරයේ අනෙක් අංගවලට මෙන්ම නිය නිරෝගී වීමටත් නිවිති මනා ඖෂධයක්. තද කොළ පැහැති එළවළු වල අඩංගු විටමින් ඡ්, විටමින් ඕ විටමින් ඒ හා යකඩ ආදිය නිය වර්ධනයට හා එහි ශක්තිමත් බවටද උපකාරී වෙයි.
ශාලිකා රංගනී සමරදිවාකර
උපුටා ගැනීම මව්බිම
Loading...
0 comments:
Post a Comment